قصيدة الشاعر محمد الحويماني في أخيه التوأم فهد في يوم زفافه
.
.
يا فهد من شفت زولك بينهم روح خيالي
.........................يقطع بحور الزمان الأولي عرضه وطوله
قمت اهوجس وأتذكر طيشنا ذيك الليالي
........................يوم كنا صغـــــــار تحكمنا برأات الطفولة
يوم كان أقصى طموح لنا ...نروح لبيت خالي
........................وكيف كنا ننتهي من واجب (الخط وأصوله )
أذكرك ...يومك تجيني ...كنت أنا جالس لحالي
.......................وأتفقد جيب ثوبي وألعــــــن الفقر وفضوله
يوم شفتك ...هل دمعي (يا فهد دور ريالي ؟
)
.......................وأنت تمسح دمعتي بأيديك ...وأحساس الرجوله
تقطع ريالك ..تقول (أمسك ولا تبكي قبالي )
.
......................وكنا من بعد هذا كل مانبغى ....ننـــــــــوله
وأذكرك يوم أنت تلبس غترتي ...ولا عقالي
.......................ثم تجلس في مكان أبوي ...وعيوني ذهـــوله
والله انك يا فهد في وقتـــــــها شكلك خيالي
........................والله انك كل مالديت ..أقول الزول زوله
يا فهد والخمسه وعشرين مرت ياظلالي
......................قدر الله والسنين بطبعها دايم عجوله
يا فهد وأنت الوحيد اللي يعرف إن ضاق بالي
.......................قبل ما اشكي قبل ما دمعي يبادر في هطوله
يا فهد وان شفت دمعي يوم عرسك لا تبالي
....................كل ما في الأمر فرح ما قدرت انطق وأقوله !!
اتمنى تعجبكم
موضوع: يافهد من شفت زولك بينهم روح خياالي >> رووووووووووعه 
الجمعة مارس 14, 2008 12:32 am
