مسيكم بالخير
بسولف لكم سالفه
بصراحه دبلت تسبدي
ذاك اليوم كنت اتمشى بالسوق
وما دريت الا وذاك اللي ما ينعرف من لبسه هو تمساح والا سحليه ينادي واحد يشبهه
حمني حمني
انا قلت له صحه وبغيت اجيب له ماء افتكرته يكح
اثاريه قاعدي ينادي على صديقته مدري صديقه
ويوم اني راعيت ( ناظرت ) لحمني ..الا وهو يشاور لصاحبه مدري صاحبته بالمنديل وهو يقول
يااااااااااي ميدو ..
مو مصدق عمري
لما قال مو مصدق .. بديت اشك انه مو سحليه
المهم
لما تقابلو
ما دريت الا وكل واحد يخم الثاني
وانا اقول يا ربي هم بنات والا شباب
وبديت اتمقّل فيهم
علّني اشوف شي يميزهم
وانا بحيره في امري <<<<< ركزو على كلمة حيره ترا متعوب عليها
قلت ما بدّهاش
ما لي الا اني ادخل عليهم عرض واللي يصير يصير
بصراحه لما عزمت اجيهم
خقيت من الهيئه لا يقولون ذا يغازل
وانا مالي بالمغازل <<<<< لا تحلف
المهم قوّيت قلبي وجيتهم
ولما وصلت قلت ممكن اسأل <<<<<<<< قسم انك ذوق
قال اسأل بس من بعيد >>>>>>> يا شين اللي ما يقدرون
قلت ما عليك تراني ما اعظ <<<<< مسوي خفيف دم
قال اسأل بسرعه
قلت الاخوان بنات ؟ <<<<<<<< تحسون ان سؤاله ملخبط
قال واحد فيهم وانت وش شايف
قلت والله للحين مب شايف شي
الوكاد اني شاكك انكم شباب
قال الثاني : وش اللي خلاك تشك
قلت : لان الهيئه للحين ما قالو لي شي <<<<< ذهين هالولد
قال الأول : ها ها ها دمك خفيف
قلت : للحين ما بعد قسته .. مير اخلص وجاوب
قال حمني : اراويك البطاقه
قلت ما جبت شي جديد حتى البنات لهن بطاقات
لكن هاتها
يمكن اعرف جنسك من اسمك
مصيبه لو مكتوب بالبطاقه حمني
ولما اعطاني بطاقته
لقيت اسم الاول عبدالرحمن والثاني محمد
قلت لهم
مالت عليكم والله
والله ما راح نتقدم ما دام فينا اشخاص على شاكلتكم
ودمتم بمحبه